Raththaran Pem Purane Song from H. R. Jothipala
රත්තරන් පෙම් පුරානේ සිතුවම් මකා
ගන්න මගෙ අන්ධ නෙත්
තාම නොපෙනේ ළඳේ
මට ඔබේ කුරිරු පිටු පෑම
නොපෙනෙන්න නම්
දිළිදු මේ අන්ධ නෙත් වාසනාවන් ළඳේ
රත්තරන් පෙම් පුරානේ සිතුවම් මකා
ගන්න මගෙ අන්ධ නෙත්
තාම නොපෙනේ ළඳේ
ලොවක හිරු එළිය
සඳ පහන දැනගන්න හෝ
උරුම පින් මහිම නැති මා වගේ අන්ධයෝ
කිමද නෙතු දිලෙන අඟනුන්ට
බැන්දේ සෙනේ
ඔබ නොවේ ළදුනි මා අතින් වරදක් වුනේ
ලොව පෙනී ඔබද අදුරු මට පෙම් බැඳී
උන්නු ඒ යුගය අවසන්ද
මගෙ ලොව බිඳී
රත්තරන් පෙම් පුරානේ සිතුවම් මකා
ගන්න මගෙ අන්ධ නෙත්
තාම නොපෙනේ ළඳේ
තේජ අසමාන බලධාරී දෙවියන් පවා
දෑස නැති උන් රකින්නේ ද සැනසුම් එවා
දෑස ඇති අයට පමණක්ද උරුමේ සෙනේ
ළදුනි ආදරය අද අපට නැතිදෝ අනේ
ලොව පෙනී ඔබද අදුරු මට පෙම් බැඳී
උන්නු ඒ යුගය අවසන්ද
මගෙ ලොව බිඳී
රත්තරන් පෙම් පුරානේ සිතුවම් මකා
ගන්න මගෙ අන්ධ නෙත්
තාම නොපෙනේ ළඳේ
මට ඔබේ කුරිරු පිටු පෑම
නොපෙනෙන්න නම්
දිළිදු මේ අන්ධ නෙත් වාසනාවන් ළඳේ
0 Comments